11/9

كنت من فترة كده إتفرجت على فيلم وثائقى إسمه "Loose the Change" بيتكلم عن 11/9 بس من وجهة نظر مختلفة
فعلا فيلم ممتع للغاية وحبيت أحطه هنا علشان الناس برده تشوفه
وبوش هوه اللى وقع البرجين :D

http://www.youtube.com/watch?v=rqviZ6MnmWM

هو 8 أجزاء يا ريت تتابعها كلها

أمة إقرأ

لا تعليق

أنا قريت حتة كده على البى بى سى حبيت أحط المخلص و أسيب كل واحد يفهم انا عايز أقول إيه

الخبر بيقول

"

وتقول الصحيفة ان احياء ماكارتني لهذا الكونسرت الغنائي، المتوقع اقامته في تل ابيب اواخر الشهر المقبل، يأتي بعد ان منع الفريق قبل نحو 43 عاما من احياء حفل فيما يعرف باوروبا بالاراضي المقدسة، اي اسرائيل وفلسطين.

وكان مفترضا ان يحيي فريق البيتلز حفلا موسيقيا في اسرائيل في عام 1965، لكنه لم يحصل على تأشيرات دخول، والسبب الرسمي الذي قدمته الحكومة الاسرائيلية عندئذ هو انها لا تستطيع تحمل التكاليف.

الا ان السبب الحقيقي في رأي كثيرين في اسرائيل تمثل في الخوف من انتشار ظاهرة الخنافس، حيث رأت الحكومة ان هذا ربما يؤدي هذا الى افساد وتمييع الشباب الاسرائيلي. "

الأوليمبياد

النهاردة هتبتدى الأولمبياد, أنا شخصيا بحب الأيام بتاعتها جدا لواحد بيشوف كل الألعاب مع بعضها وبيقدر يتفرج على البلد المستضيفة وكأنه هناك, فعلا إختراع .

بس يمكن أخدت بالى من حاجات تانية جنب الأولمبياد نفسها , هى موضوع الشعلة . أنا كنت إتكلمت فى موضوع إن الواحد لازم يتمسك بعادات وتقاليد وطنه أو بلده بالإضافة طبعا لتعاليم دينه و ده بيبقى مقياس إزى كان المجتمع متقدم أو لأ. وده يمكن باين فى موضوع الشعلة على الرغم من أنها تقليد من مئات السنين إلا إنه مازال شغال.

تانى حاجة إن الأولمبياد بتظهر دور الرياضة , يعنى لو فكرنا هنا فى مصر بدل ما كله يتعلم و يخض الجامعة ويطلع ميلاقيش شغل ما ناخد الى ينفع يبقى فيهم بطل رياضى و نهتم بيه ويبقى رياضى محترف هنستفاد منهم أكتر من قعدتهم على القهوة ونخلى إسم البلد عالى فى كذه مجال.

ولا بلاش خلينا نتفرج على الناس وهى متقدمة علينا و إحنا قدام التليفيزيون بتفرج عليهم

قانون الزواج

الأيام ده إبتدى يطبق قانون الزواج الجديد اللى بيلزم الناس اللى هتيجى تتجوز إهنا تعمل إختبارات ما قبل الزواج علشان يقبى الزواج رسمى غبر كده لا يوثق!!!! أى كلام يعنى هى الناس عارفة تتجوز أوى لما تحطلهم كمان كشوفات طبية تقطم وسطهم

بس على مين ده إحنا المصريين , لسه إمبارح واحد أعرفه كتب كتابه و المأذون ضربله الشهادتين الطبيتين بتاعته و بتاعات مراته و الدينا مشيت. أنا مش عارف ليه الناس بتحط قوانين عجيبة كده , بس تقريبا عايزين يشوفوا الشعب هيتصرف إزاى و أدى بعد القانون ما إطبق بيومين الناس بقت بتضرب شهادات!!!

أنا مسلم

الكلمة ده فقدت كتير من قيمتها الأيام ده . يمكن أغلب الناس دلوقتى مش عارفة إن كلمة "أنا مسلم" يعنى أنا أنتمى لأفضل دين لأفضل أمة لأفضل رسول . لكن دلوقتى أغلب الناس يا مش عايزة تتكلم فى الدين أو تزهق منه أو حتى ممكن تكون مش مقتنعة بيه.

لكن مثلا نبقى معجبين جدا بإن الإنجليز ليهم إسلوبهم الخاص فى الحياة والأمريكان ليهم لغتهم و لهجتهم و اليابانيين عندهم إصرارهم وثقافتهم الى بتحثهم على النجاح رغم إن ده و أحسن منه موجود فى الإسلام بس لأن المسلمين ضعفاء و الأقوياء هما الى بقوا مثل الناس الأعلى فهان عليهم دينهم.مش دينهم بس لأ كمان ثقافتهم و لغتهم أغلب الناس بقت تحط الإنجيلزى فى كلامها على الفاضى والمليان علشان يقولك أنا جامد!! طب هما الفرنسيين مثلا بيعملوا زيك ولا بيتكلموا فرنساوى على طول مع إنهم أقوى منك . المشكلة إن إزاى نرجع أقوياء تانى وإحنا معنداش إنتماء لأصلنا وبقينا بنقلد الأخرين.

زى ما بره بيقولوا أنا أمريكانى أنا بريطانى لازم إحنا نقول بثقة جامدة أنا مسلم ونرجع للكلمة قيمتها

شيئ محيرنى

من فترة كده كام واحد صاحبى إبتدى يسافروا بره يشتغلوا فى نفس الوقت البلد هنا عمالة تبقى أسوأ من زمان وكله دلوقتى عمال يفكر يهاجر فين مش يهاجر ولا لأ .

و بقالى فترة كده بفكر فى السفر بس فيه حاجة هيه اللى محيارنى. هل لما كله يهاجر ويشوف أماكن يعيش فيها كويس أحسن ولا إنه يهتم بالبلد و يقعد فيها . لو سافر و سافر غيره كده ساب البلد للناس التعابنة و الناس اللى مش هتساعد على تقدم البلد و كده البلد عمرها ما هتقوم . وفى نفس الوقت الواحد برضه من حقه يعيش كويس و يلاقى اللى بيقدر مجهوده.

يعنى أنا شايف إن أهم حاجة الناس محتاجها هنا هى الأمل . الناس هنا فقدت الأمل فى إن البلد تبقى حاجة فكله عايز يدور على أمله فى أى حتة تانية . يمكن من الناس اللى كلمونى عن السفر بره و إزاى الناس بتعاملهم كله أجمع على الإحترام اللى الناس بتتعامل مع بعض هناك.

يعنى كان فيه واحد صاحبى بيقولى أنا هعقد فى مصر لو بأخد فلوس كتير قولتلوا هيأخدوها منك مردش . خلاص كله دلوقتى مستنى الضرايب الجديدة الأسعار الجديدة العيش يجيبوا منين إزاى هيكمل أخر الشهر , طب إزاى الناس تبدع فى الشغل فى هي على طول عمالة تفكر فى حاجاتها الأساسية فى حين إن فيه ناس فى نفس البلد مش هاممها إلا إن إزاى تلم فلوس من الناس و هكذا الدايرة تستمر بدون توقف و البلد زى ما هيا

يمكن أنا رأى إن كل واحد من حقه يدور على المكان اللى يعيش فيه ويبدع سواء كان بلده أو غيرها لأن فى الأخر الواحد بيعيش مرة واحدة ولازم يستثمر حياته فى اللى فيه نفع ليه مش يضيعها فى دايرة من المشاكل و يجى لما يكبر يكتشف إن شبابه كان ماشى فيه فى مكانه

الواحد يستحق حياة كريمة مهما كان

حكم

يحكى أن ملكاً كان يحكم دولة واسعة جداً ..أراد هذا الملك يوما القيام

برحلة برية طويلة . وخلال عودته وجد أن أقدامه تورمت بسبب

المشي في الطرق الوعرة، فأصدر مرسوماً يقضي بتغطية كل

شوارع مدينته بالجلد ولكن احد مستشاريه أشار عليه برأي أفضل

وهو عمل قطعة جلد صغيرة تحت قدمي الملك فقط .

فكانت هذه بداية

نعل الأحذية.

إذا أردت أن تعيش سعيدا في العالم

فلا تحاول تغيير كل العالم بل أعمل التغيير في نفسك .

ومن ثم حاول تغيير العالم بأسره .

----------------------------------------------------------------------------

جلس رجل أعمى على إحدى عتبات عمارة واضعا ً قبعته بين قدميه وبجانبه لوحة مكتوب عليها :

' أنا أعمى أرجوكم ساعدوني '.

فمر رجل إعلانات بالأعمى ووقف ليرى أن قبعته لا تحوي سوى قروش قليلة فوضع المزيد فيها .

دون أن يستأذن الأعمى أخذ لوحته وكتب عليها عبارة أخرى وأعادها مكانها ومضى في طريقه .

لاحظ  الأعمى أن قبعته قد امتلأت بالقروش والأوراق النقدية، فعرف أن شيئاً قد تغير وأدرك أن ما سمعه

من الكتابة هو ذلك التغيير فسأل أحد المارة عما هو مكتوب عليها فكانت الآتي :

' نحن في فصل الربيع لكنني لا أستطيع رؤية جماله' .

غير وسائلك عندما لا تسير الأمور كما يجب

------------------------------------------------------------------------

لو سقطت منك فردة حذاءك.. واحدة فقط

.. أو مثلا ضاعت فردة حذاء.. واحدة فقط ؟؟

مــــاذا ستفعل بالأخرى ؟

يُحكى أن غانـدي كان يجري بسرعة للحاق بقطار
... وقد بدأ القطار بالسيروعند صعوده القطار سقطت من قدمـه إحدى فردتي حذائه فما كان منه إلا خلع الفردة الثانية وبسرعة رماها بجوارالفردة الأولى على سكة القطارفتعجب أصدقاؤه !!!!؟
وسألوه ماحملك على مافعلت؟
لماذا رميت فردة الحذاء الأخرى؟
فقال غاندي الحكيم
أحببت للفقير الذي يجد الحذاء أن يجد فردتين فيستطيع الإنتفاع بهما
فلو وجد فردة واحدة فلن تفيده ولن أستفيد أنــا منها أيضا
أنــه إذا فاتنــا شيء فقد يذهب إلى غيرنــا ويحمل له السعادة
فــلـنــفــرح لـفـرحــه ولا نــحــزن على مــافــاتــنــا

حكمة جميلة

من التقاليد الجميلة في الجامعات والمدارس الثانوية الأمريكية
أن خريجيها يعودون اليها بين الحين والآخر
في لقاءات لم شمل ويتعرفون على أحوال بعضهم البعض
من نجح وظيفيا ومن تزوج ومن أنجب.... الخ
وفي إحدى تلك الجامعات
التقى بعض خريجيها في منزل أستاذهم العجوز
بعد سنوات طويلة من مغادرة مقاعد الدراسة
وبعد أن حققوا نجاحات كبيرة في حياتهم العملية
ونالوا أرفع المناصب وحققوا الاستقرار المادي والاجتماعي
وبعد عبارات التحية والمجاملة
طفق كل منهم يتأفف من ضغوط العمل
والحياة التي تسبب لهم الكثير من التوتر
وغاب الأستاذ عنهم قليلا
ثم عاد يحمل أبريقا كبيرا من القهوة، ومعه أكواب من كل شكل ولون
أكواب صينية فاخرة
أكواب ميلامين
أكواب زجاج عادي
أكواب بلاستيك
وأكواب كريستال
فبعض الأكواب كانت في منتهى الجمال
تصميماً ولوناً وبالتالي  كانت باهظة الثمن
بينما كانت هناك  أكواب من النوع الذي تجده في أفقر البيوت

: قال الأستاذ لطلابه
تفضلوا ، و ليصب كل واحد منكم لنفسه القهوة
وعندما بات كل واحد  من الخريجين ممسكا بكوب تكلم الأستاذ مجددا
هل لاحظتم ان الأكواب الجميلة فقط هي التي وقع عليها اختياركم
وأنكم تجنبتم الأكواب العادية ؟؟؟
ومن الطبيعي ان يتطلع الواحد منكم الى ما هو أفضل
وهذا بالضبط ما يسبب لكم القلق والتوتر
ما كنتم  بحاجة اليه فعلا هو القهوة وليس الكوب
ولكنكم تهافتم على الأكواب الجميلة الثمينة
و بعد ذلك لاحظت أن كل واحد منكم كان
مراقباً للأكواب التي في أيدي الآخرين

فلو كانت الحياة هي القهوة
فإن الوظيفة والمال والمكانة الاجتماعية هي الأكواب
وهي بالتالي مجرد أدوات ومواعين تحوي الحياة
ونوعية الحياة (القهوة) تبقى نفسها لا تتغير
و عندما نركز  فقط على الكوب فإننا نضيع فرصة الاستمتاع بالقهوة

وبالتالي أنصحكم بعدم الاهتمام بالأكواب والفناجين
وبدل ذلك أنصحكم بالاستمتاع بالقهوة

الأسعار نـــــــــــــار

النهاردة كنت نازل أجيب عيش بلدى الراجل قالى الرغيف بنص جنــــــــــيه!!!!!.ده انا فاكر إنه من كام يوم كان بربع فى الفرن الخاص و5 قروش فى أفران الحكومة دلوقتى شوف بكام ولسه.

وطبعا الناس بصه للحكومة وبتطالبهم إنهم يتصرفوا ويعملوا حاجة وكده. بس أنا ليا نظرة تانية هو السؤال ليه الأسعار عالية علينا قوى كدة هل ربنا راضى بالحال كدة هل دة ظلم للشعب الغلبان.

كنت بشوف برنامج بيتكلم عن الشعب المصرى نزل الشارع وسئل عينة عشوائية من الناس إيه الللى بيميز الشعب المصرى عن غيره من الشعوب أغلب الإجابات قالت إنه شعب طيب و متدين راح المذيع سأل طب ليه الكذب و الرشوة والعرى والكلام ده منتشر فينا.

وده إجابة عن سعر العيش العيب فينا مش فى حد تانى ماهو لو بقينا زي مبنقول كانت الدنيا إتغيرت لينا لكن هو ربنا مش هيخلى لما الأسعار تعلى علينا والحياة تضيق وقت عن التانى وإحنا حالنا مظبوط.

بس الناس شايفه العيب فى أى حاجة إلا نفسها . حتى لو الحياة غليت فعلا فربنا نزع منا الرضا لنفس السبب.

يعنى لا الحياة معقولة ولا راضيين بها وبندور على كل الأسباب إلا السبب الرئيسى...إحنا

قراءتى

إبتديت أقرأ فى الكتب اللى إشتريتها من معرض الكتاب.نوعت المرة ده كان أغلب الحاجات اللى جبتها روايات.
خلصت دلوقتى "يوميات نائب فى الأرياف" و "اهل الكهف" لتوفيق الحكيم و كتاب "تاكسى" لخالد الخميسى وكنت عايز أكتب رأى فى اللى قريته.أولا يوميات نائب لذيذة فيها عرض للحياة اللى أيام توفيق الحكيم راجل نجح إنه يوثق المرحلة اللى هو عايش فيها بدون رغى و بلغة لذيذة. أما أهل الكهف فكرهتنى فى توفيق الحكيم , النقيض تماما من يوميات نائب يعنى مستمتعتش بيها قوى.
كتاب تاكسى فكرة جديدة الكاتب وثق حالة الشعب من خلال سواقين التاكسى فكرة جميلة و عرفتك على مستوى من الناس الواحد بعيد عنهم وعمره ماكان هيعرف إزاى الفئة من الناس عايشة و بتفكر إزاى, يمكن ملحوظتى عليه إن الكاتب كا بيكتب كل حاجة - بما فيها الشتايم والألفاظ الخارجة- فيعنى محبكش الواقعية للدرجة ده بس الكتاب فى مجمله لذيذ.
يمكن كل مخلص حبت كتب هكتب رأيى فيها هنا من حين لأخر

كـأس الأمم الأفريقية

الأيام ده شغالة بطولة الأمم الأفريقية لكرة القدم فى غانا . أى حد ممكن يلاحظ الإهتمام الكبير للى الشعب المصرى مديه للبطولة ده.ومدى السعادة الى بتدخلها الكورة على الشعب يمكن بان أكتر لمصر غلبت الكاميرون.دلوقتى الكورة هى الحاجة الوحيدة اللى بتفرح الشعب. بس سألت نفسى هل ده صح أنا على فكرة بحب أتفرج على الكورة بس هل كون الكورة هى الحاجة الوحيدة اللى بتخلى الشعب مبسزط و بينسى همومه وأحزانه.مش عارف ليه حسيت إنها دلوقتى بقيت عاملة زى المخدرات الناس بتخدها علشان تنسى مشاكلها . مفيش حد دلوقنى فى مصر ما وراهوش كلام إلا عن مصر عملت إيه الكوت دي فوار لعبت حلو إمبارح حتى إعلانات التليفزيون دلوقتى كله بقى الراعى الرسمى لمنتخب مصر !!! مفيش منتج إلا وربط إسمه بالمنتخب.
يمكن برده السبب إن الناس مهتمة بالكورة هو إنهم فقدوا الأمل فى أى حاجة تحصلهم تخلى حايتهم أحسن فرموا املهم على المنتخب رغم إن المنتخب لو أخد البطولة اللعبية هى اللى هتلم الملايين والناس ولا مليم بل بالعكس الناس بتصرف فلوس ووقت علشان الماتشات. برده يمكن كمان فيه ناس - وأكترهم الشباب للأسف - بقى عندهم وقت فراغ كبير جدا فملوه بالكورة و عمل روابط مشجعين وعمل الأعلام و التجمعات و الدهانات بتاعات الوش والكلام ده.برده لو بصينا على السبب الرئيسى للموضوع ده هنلاقى كعادة كل سبب لعادة سيئة هو ضعف الخلفية الدينية لإن الناس لو زادت عندهم الناحية الدينية شوية على الأقل الكورة هتبقى مجرد ترفية خفيف ليس أكتر مش إدمان.
ملاحظة أخيرة كنت بسأل واحد صاحبى عن رأيه فى البطولة قالى نفسى مصر تخرج من الدور الأول !! فسألته ليه قالى علشان ده بلد متسحقش الفوز لما البطولة الى فاتت العبارة تغرق وكام واحد يموت وبعديه بيوم ولا اتنين منتخب مصر بيلعب والإستاد على أخره وكله ناسى الموضوع ده.
الصراحة عنده حق !!!

معنى السعادة - د.إبراهيم الفقي

كلام جميل
http://www.facebook.com/video/video.php?v=10389376076&oid=6850726207

حاجة غريبة

خبر غريب لفت نظرى الخبر بيقول "صرحت النجمة الأمريكية جينفر أنستون بأنها تريد إنجاب طفل بأي طريقة ، حتى ولو كان عن طريق التلقيح الصناعي بواسطة السائل المنوي لأي من أصدقائها.وذكر موقع "إيس شوبيز" أن أنستون صرحت للممثلة الأمريكية كورتني كوكس ، أقرب صديقاتها ، أنها تريد أن يساعدها أي من أصدقائها الذكور على الإنجاب حتى ولو كان عن طريق التلقيح الصناعي.
وأبرز الموقع ذاته تصريحات لمصدر مقرب من أنستون قال فيها : "الوقت يداهم أنستون وقد بدأت في التقدم في العمر ، وهي تفاضل بين أصدقائها الذكور لاختيار أفضل من يمتلك أفضل الصفات الوراثية لإنجاب طفل مثالي".
وأضاف : "أنستون لا تريد الزواج وإنما ترغب فقط في إنجاب طفل ، ولهذا فكل ما يشغل بالها أن يكون إبنها جميل وذكي ، لهذا فهي تبحث عن صديق يتمتع بتلك الصفات".
خلاص كده بقى عينى عينك كده واحدة بتدور على أى واحد علشان تبفى أم. خلاص كده هتنتهى كلمة زواج بعد كده.
الخوف إنه بعد كام سنة تطلعلنا منظمة ولا جمعية من بتوع حقوق الإنسان من بتوع الأيام ده وتقولك ده حرية شخصية ولابد من إحترامها.
الخوف الأكتر من الناس هنا فى مصر ولا فى العالم الإسلامى يحبوا الفكرة وينفذهوا ويدافعوا عنها
يبقى ده اللى ناقص!!!

فين الراحة

كنت مرة فى السوبر ماركت بشترى حاجة فكان فيه واحد من عمال البناء كان بتكلم مع صاحب السوبر ماركت وبيشتكيلوا من التعب والهم اللى هوةه فيه وفى وسط الكلام قاله إحنا الموت أريحلنا!!!. أنا وقفت قدام الكلمة ده قلت لنفسى وهو عرف منين غن الموت أريحله مش يمكن يموت يندم على اللى فات من عمره ويتعذب و يمكن كمان يخش النار طب إزاى ده كده أريحله.فضلا عن إن الرسول عليه الصلاة والسلام نهى عن تمنى الموت إللى يقول الكلمة ده يدل على قصر نظره فى الأمور ويمكن عن ضعف أو خلل فى دينه.الإمام أحمد بن حنبل لما سألوه عن متى الراحة مقلش لما أموت لأ قال عند دخول أول قدم فى الجنة يعنى هنا الراحة مش إنه يهرب من عذاب و تعب الدنيا لموت هو عبارة عن مرحلة إنتقالية للحياة أخرى محدش عارف إيه اللى فيها .
نسأل الله الهداية

حال الدنيا فى شعر الشافعى

كنت قرست شعر للشافعى عن حال الدنيا و حبيت أقو عيه ملاحظة
الأبيات هى :
ومن يذق الدنيا فإنى طعمتها وسيــق إلينا عذبها وعذابـها
فلم أرهـا إلا غرورا وبــاطلا كما لاح فى ظهر الفـلاة سرابها
ومــاهى إلا جيفــة مستحـيلة عليـــها كلاب همهن اجتـاذبها
فإن تجنبتها كنت سلما لأهلها وإن تجذبها نــــازعتك كلابها
فـدع عنك فضلات الأمور فإنهــا حرام على نفس التقى ارتكابها

أنا عجبنى فى الأبيات ده الثالث و الرابع لأن دول هما اللى بيمثلوا واقعنا الحالى. لو نشوف مين اللى مساك الدنيا دلوقتى هنلاقيهم كلابها أو بمعنى أصح أرزلهم.
لو أخدنا العالم ككل هنلاقى اليهود هما المتحكمين فيه كإقتصاد و كإعلام مثلا رغم إنهم أحقر أهل الأرض. لما يلاقوا حد عايز يتقدم أو بيهدد إستقرارهم يحاربوه تمام زى مالأبيات بتقول.
نيجى مثلا للعالم العربى نلاقى مين معاه الدنيا هم أهل الغناء والتمثيل والكورة و الحرامية و محتكرى الأسواق وغيرهم. وأى حد تانى محترم ومعاه مهنة شريفة ده ببقاش زمنه وتلاقى كل واحد من الناس دول بلا أى قيمة وملان هيافة أو حد بقى من علية القوم وكل الناس مجمعين على أنه من أرزلهم بس هىده الدنيا !!!

خواطر الشعراوى

كنت مرة بسمع خواطر الشعراوى كان بيقول " إن الحج أو العمرة الفريضة الوحيدة اللى الناس بتسعى دايما ليها فتلاقى الواحد ممكن يعمل أى حاجة علشان يسافر ويمكن يحرص على إنه يعملها أكتر من مرة مع إن ربنا عفاه منها "
قلت فعلا ده صح و أنا عن تجربة عايز أروح تانى :D.بس قلت لو ده كان حال الناس فى كل العبادات كان ده يبقى حالنا أشك!!!!

إسرائيل و جوجل

كنت بتفرج على برنامج مع هيكل اللى بيقدمه محمد حسنين هيكل كان بيتكلم على إزاى الدول بوجه عام بتفكر فى أمنها القومى و إزاى إن العرب إدوا كل أمنهم فى إيد الغرب و بالتحديد الأمريكان . و عمل مقارنة بين العرب و تفكيرهم و بين إسرائيل . و ضرب مثال google earth جاب عقد بين إسرائيل و بين جوجل بمقتضاه صورة إسرائيل تبقى مش واضحة من على البرنامج !!!. هوا جاب العقد فى البرنامج و حاول يجيب لإسرائيل صورة واضحة معرفش لكن العرب مكشوفين على الأخر.
خلينا إحنا كدة مش بتعلم من تجاربنا و نامين على ودانا :)