فكر الناس

لماكنت فى العمرة كان فيه موافق كتير غريبة من الناس بس لعل أغربها كنت دايما بلاحظ إن الأماكن اللى حوالين الكعبة دايما ملايانة أو بمعنى أصح محجوزة من بدرى فكان صعب جدا تصلى فى الصحن حوالين الكعبة فكنت بطلع فى الدور اللى فوق علسان أصلى . ففى يوم قررت أنزل من بدرى أحجزلى مكان أصلى فيه جنب الكعبة فجيت على الساعة 10.30 الصبح لقيت 3/4 الأماكن محجوزة ( يعنى ناس حطة سجاجيد الصلاة بتاعتها) و المكان كان إتملى قبل الظهر بشوية . فالموضوع ده معجبنيش فقلت أروح أسأل شيخ من اللى فى الحرم علشان لو حلال أعمل زيهم ( و أنا اللى كنت أعرفه إن الرسول - عليه الصلاة و السلام - نهى عن الموضوع ده ) فقلت للشيخ أنا ناوى أحط السجادة فى الصحن و أسيبها صلاة الظهر و العصر و أجيلها بعد العصر كده علشان الشمس تكون راحت قالى يابنى حرام قلته علشان الحديث قالى أه و كمان علشان الفلوس اللى هتدفعها !!!! قلت أنا مش هدفع حاجة هدفع لمين . رد الشيخ و قالى فيه ناس بتدفع للعمال بتوع الحرم علشان يخدوا بالهم من السجادة فى الحرم و يحطوها فى مكان كويس جنب الكعبة ويجى الراجل يصلى وقت مايجى للأن سجادته موجودة .
أنا قلت للى درجة ده الناس بقت تفكر بالطريقة ده . و عرفت بعد كده إن بعض اليمنين كانوا بأجروا سجادة الحرم تكفى حوالى 6-7 ب20 ريال !!!.
طب أنا عايز أعرف هما الناس دول مفكروش فى إن الفلوس اللى بيدفعوها حلال ولا حرام ولا بس الإسم صليت جنب الكعبة وحرمت اللى جاى قبليك من حقه إنه يبقى فى الصفوف الأولى