سمعت من الشيخ أبو إسحاق قصة " الفرق بينا وبين المجتمع الغربى أن إحنا مجتمع زراعى و هما صناعى و ده بيأثر على التفكير . حيث إنه المجتمع الزراعى بيعمل اللى يتقاله من غير إبداع عكس الصناعية و ضرب مثل لذلك قال لما كان صغير والدته و هما كانوا فى إحدى القرى قالت له "حط كوز الذرة قدام الباب عشان ميتقفلش راح عامل زى ما قالت شوية و جه الهوا زق الباب و كوز الذرة و الباب اتقفل مش راح يشوف حل تانى للباب عاشان كوز الذرو منفعش لأ راح جابه تانى وحطه شوية برده والباب زقه الهوا راح رجع تانى فهو يقول ده الفكر الزراعى تقول يعمل إيه و إزاى و خلاص مفيش نحية إبداعية فى حل المشكلة.
أما المجتمع الصناعى فضرب ليه مثل إن شاف فى مطار فى أمريكا ( على ما أظن ) أب و أم ماشيين و إبنهمم وراهم شايل شنطة ثقيلة فراح الواد حطها و قعد عليها . طبعا هنا فى مصر الأم هتشيل الواد و الأب هيشيل الشنطة و كده حرمنا الولد من إنه يتحط فى موقف يتصرف فبه فاللى حصل إن الأب و الأم بصوله و مشيوه فالولد إضطر يشيل الشنطة أو يجرها علشان يلحقهم ."
الصراحة الكلام ده أنا بشوفه كل يوم و لو حد ركز فى يومههيلاقى نظرية كوز الدرة بتتطبق فى مصر ( و خصوصا فى الكورة :) ).
Subscribe to:
Post Comments (Atom)
No comments:
Post a Comment