صيد الخاطر

من الكتب اللى فعلا استمتعت بقراءتها كتاب "صيد الخاطر" لابن القيم الجوزى . الصراحة كتاب فعلا ممتع عبارة عن خلاصة خبرة الكاتب و تأملاته فى المواقف اللى فى حيانه.
ويمكن ومن أكتر الحاجات الموجودة فيه عجبتنى فصل فيه بيت شعر يوضح حال الناس دولقتى و سبحان الله الكلام ده من أكتر من ألف سنة و مع ذلك الناس ذى ما هى " وتلك الأبام نداولها بين الناس" وأنا هنقل الحتة ده من الكتاب بالنص.
------------------------------------------------------------------------------------
فصل : وجادت بوصل حين لا ينفع الوصل
يحكى ان رجلا من الرؤساء كان حال شبيبته فقيرا , فلما كبر استغنى وملك أموالا واشترى عبيدا من الترك وغيرهم وجوارى من الروم فقال هذه الأبيات فى شرح حاله
ما كنت أرجوه إذ كنت ابن عشرينا........... ملكته بعد أن جاوزت سبعينا

تطوف بى الأتراك أغزلة...............مثل الغصون على كثبان يبرينا

وخود من بنات الروم رائعة...................يحكين بالحسن حور الجنة العينا

يغمزننى بأساريع منعمة...................... تكاد تعقد من أطرافها لينا

يردن إحياء ميت لا حراك به .................... وكيف يحيين ميتا صار مدفونا

قالوا أنينك طول الليل يسهرنا ...................... فما الذى تشتكى قلت الثمانينا

وهذه الحالة هى الغالبة فإن الإنسان لا يكاد يجتمع له كل ما يحبه إلا عند قرب رحيله. فعليك بالقناعة مهما أمكن ففيها سلامة الدنيا والدين . وقد قيل لبعض الزهاد وعنده خبز يابس كيف تشتهى هذا فقال أتركه حتى أشتهيه

---------------------------------------------------------------------------------------

خلص هنا كلام الكاتب , فعلا كلام رائع لو تأملنا الجملة الأخيرة "قلت الثمانينا"كلمة شملت حالة الرجل فبعد ما وصل للى هوا عايزه بقى بيشتكى من حاجة مش فى إيده وهى إنه بقى عنده ثمانين سنة

فلازم الواحد يكون قانع و طموح وكمان ما يكونش عنده طول أمل بحيث يعلق أماله وأحلامه إنه هيعمل حاجات كويسة لما يكون عنده مال

لإنه ممكن يكون زى الرجل صاحب الشعر وصل للى هو عايزه فى وقت ما يقدرش يعمل بيه حاجة.

وفى الأخر الكتاب جميل جدا وكل شوية هابقى أكتب منه حته إن شاء الله